بسم الله الرحمن الرحيم

مرحبا
بحب عرف عن نفسي معاذ جليلاتي
إنشاء الله بترفع على السنة الثانية بعد ها الامتحان الظريف
أنا طالب بكلية العلوم قسم الرياضيات
قسم الرياضيات من أحلى الأقسام في الكلية و بيقول البعض من أصعبهم
فلا أحد يستهين فيه
هاد القسم بيوسع فكرك بكل أمور الحياة و هو فرع مرح و مرن جداً إلا في بعض المواد و ذلك تبعاً لطريقة طرح  المادة على الطلاب من قبل بعض الدكاترة الحلوين و مو الكل حرام
بالنسبة للمستقبل : أكتر احتمال قائم هو التخرج و أنو يصير الواحد مدرس للمادة
أو يمكن يوسع  دراسته إلى عدة اختيارات منها البرمجة أو يمكن أنو الواحد يكمل دراسات عليا بالكلية و بعدين يصير دكتور لإحدى المواد بالكلية و هاد الشي بدو وقت طويل و جهد كبير و طبعاً مافي شي بجي هيك
بالنسبة لنظرة المجتمع فهي متفاوتة : فالمثقفين بيمدحوا فيه , أما العامة يلي ما بيعرفوا القسم شو هو بياخدوا ها القسم هيك بلا طعمة
بالنسبة إلي أنا كتير بحب ها القسم و هو كتير حلو إذا عرف الواحد يتعامل مع الأمور , غير أنو الرياضيات متا ما حكيت بتوسع آفاق الإنسان لأبعد من الرياضيات غير أنها أساس قائم عليه العلوم كلها
بشكركم على القراءة و إنشاء الله كون فدتكم وما طولت عليكم
أبو العز

  مرحبا ..انا بدرس طب بشري..والسنة الجاية خامسة انشاء الله..طبعا كون علاماتنا ما بتتأخر فأمنت حالي سنة خامسة قبل ما نخلص امتحانات...
الحمد لله الطب البشري من اروع الاختصاصات والدراسات""يعني البعض راح يقول انو لو طلعلي طب ما رح ادرس"""يعني اسمعنا من هالحكي كتييير وما حسينا  فيهم الا عم يدفعو ما فتح ورزق ليدخلو هلأ بالجامعات الخاصة طب بشري..يعني سبحان الله صدف عجيبة..المهم انه اروع فرع"""على الاقل بنظري""ورغم ما يقال ويشاع::طلاب اطب معقدين و و و ة::لا اني مرتاح وامارس حياتي متل اي طالب ..والدلي ل اني عضو في اكتر من منتدى...يمكن حكيت كتيير بتمنى تتقبلو مروري...بس يعني احيانا في مواضيع بيحب الواحد يحكي عن اللي بقلبو...مشكور عالموضوع ...وبالتوفيق انشاء الله للجميع...      

مرحبا انا قمر صرت سنة رابعة صيدلة
اكيد بتعرف شو يعني صيدلة
يعني حفظ حفظ حفظ
بس الحقيقة انا ماكنت طيق الصيدلة وبسبب مجموعي دخلتها بس بعد مافتت كتير حبيتها وعنجد اي حدا من رفقاتي بعرفو فورا بنصحو فيها لانو اول شي ممتعة طبعا مو كل المواد بس المجمل
وتاني شي مجالها كتير واسع يعني فيك تعمل اختصاص (مخابر او صيدلة صناعية او سريرية او ممكن وراثة بس هاد الاختصاص مو عنا ) يعني كتير واسع مجالها ونظرة المجتمع اكيد بتعرف شو  يعني متل الطبيب والمهندس
وانشالله كون عطيتك شوية فائدة

أيه ,,,,

مساااا االخير ,,,


فكرة الموضوع ,,, حلوة ,,, ووبتجنن ,,,



هلأ ,, لح اسمح أناااا ,,,


اختصاصنا ,,,,

كلية البحوث العلمية ,,,, (( المعهد العالي للعلوم التطبيقية والتكنولوجيا ))


مندرس فيه ,, مجالااات هندسية ,,,,


ضمن أربع اختصاصات ,,,,


هندسة ,,, المعلوماتية ,,,,
هندسة ,,, الاتصالات الرقمية ,,,
هندسة ,,,النظم الالكترونية ,,,
هندسة,,, الميكاتونيكس ,,,


مدة الدراسة ,,, عنا خمس سنوات ,,,,

والدراسة كتير حلوة ,,, والمواد بتجنن ,,, رغم وجود شوية ضغوط ,,,


بس شي بيعوض شي ,,,, ضمن الميزات المتاحة لألنااااا ,,,,


وبرأيي ..... كلية البحوث ,,, من أرقى ,,, واجمل كليات الوطن العربي ,,,,


وحتى من حيث المستوى التعليمي ,,, ومستوى تخرج الطلاااب ,,,



لأنو باالفعل بيخرج مهندس ,,, حقيقي ,,,, وليس مهندس باالاسم ,,,





تقبلوااا مروري ,,,, 

رح أحكي عن فرعي
كلية الآداب -أدب انكليزي
رغم أنو ما دخلت الفرع عن رغبة بس لما بدأت دراسة حسيت أنو ماشي الحال الفرع بدو دراسة وبدو شوية شغل ذاتي
الاختصاص بيوفرلك شغل وأنت عم تدرس متل إعطاء دروس أو ترجمة طبعا للطالب الذكي
المجالات بعدين أكتر شي مدرس للمادة أو شغل بشي شركة خاصة لأنو اللغة مطلوبة بكل مجال
الناس بيحبو هاد الفرع ما بعرف ليش     

تفضل كلمنا عن إختصاصك لو سمحت
شو ما طلبت منكون غير شوية حكي ... ويكن
ـــ أحمد ـــ




                                     
                                                             
                                                             

مرحبا . شكرا على الموضوع الحلو
انا ديما سنة تانية حقوق وعندي أمل انو السنة الجاية إن شاء الله كون تالتة
كانت بكلوريتي أدبي ووقت المفاضلة كنت بدي سجل أدب إنكليزي وكان مستحيل إني أدخل حقوق لأن بعرفها أديشها صعبة بس رفيقتي قنعتني وبالنهاية أنا طلعلي حقوق ورفيقتي اللي عم تقنعني طلعلها أدب إنكليزي
وبعد ما فتت عالجامعة حبيت الحقوق كتير  حسيت أنو كلها معلومات من الواقع لازم كل الناس تعرفها وقصص واقعية وشعور كتير حلو لما بحطولك قضية مشان انت تستنتج شو الجريمة والعقوبة وتحكم عالزلمة وخاصة بعد المحكمة الافتراضية اللي رح تصير بالجامعة بتوقع رح تصير الدراسة أحلى
وبحس أنو الحقوق الها مجالات واسعة يعني إذا ما تدربت وصرت محامية وفتحت مكتب ممكن اشتغل مستشارة قانونية وممكن كون محامية بشركة خاصة لأن ما في شي بيصير هلأ بدون محامي
أما نظرة المجتمع للحقوق ناس أول ما بقلها حقوق بتقلي  كتير صعبة بس أنا بنبسط لان عم ادرس مجال مالو سهل والكل بحس بتعبي
وناس بتقلي الحقوق ما حلوة للبنت أبدا . يمكن صح ما بعرف كل شخص وقلو وجهة نظرو
أنا مالي مفكرة كون محامية بس أكيد رح أشتغل بالحقوق المهم حابة الدراسة ومن هون لأتخرج ما بعرف شو بيصير
طولت عليكون .شكرا مرة تانية عالموضوع

يعطكيك العافية احمد


موضوعك ظريف وما شفتوا لو ما بعتلي رسالة


انا بدرس ادب انكليزي


وفرعنا يمكن الوحيد بالجامعة يلي ما بيعطيك


يعني لازم تعتمد ع جهدك وتعبك حتى اطور حالك


انا كان حلمي اني فوت هاد الفرع والحمدلله مشي الحال


وانشا الله ناوي بعد التخرج اني سافر لانو الئعدة هون


بضلك متل صبي الحمام يد من ورا ويد من ئدام


مشكور احمد

انا يزن اليعقوب من درعا وحاليا اعمل في المملكة العربية السعودية -الرياض- انا احمل إجازة في اللغة الانكليزية وآدابها-خريج سنة 2008-اللغة الانكليزية ممتعة جدا وخصوصا الادب وانا دخلت هذا الفرع عن رغبة قوية والحمد لله توفقت وعن جد اللغة شي كتير مهم في هذه الايام وخصوصا في دول الخليج والواحد بيحس حالو انو مو بدولة عربية وانا هون عايش هالواقع ومرتاح كتير بالنسبة للغة وفي كتير عالم هون متعذبة منشان موضوع اللغة وطبعا لما  يكون معك لغة بتكون لورد وين ما تروح والكل بيحترمك وبيعملك حساب وهادا الشي مجرب مع الكل بس للاسف السوريين ما عم يهتموا باللغة متل باقي العرب -وانصح الجميع وخصوصا نحن معشر الشباب الطريق مازال امامنا تعلموا اللغة والله بترتاحو في سوريا او خارجها -

والفرع كتير حلو وممتع بس بدو تعب وحلاوتو بتعبو وانا راريت ارجع طالب ادب انكليزي عن جد وعم فكر كمل ماجستيرفي استراليا السنة القادمة وبعدين دكتوراة ان شاء الله وانا اعمل في السعودية مدير مكتب المدير العام  لانو لغتي قوية وترجمة ومراسلات شركات اجنبية و كل الشغل بالانكليزي والتعامل كلو انكلش
فرع كتير حلو وبنصح الاعضاء والاصدقاء الاهتمام باللغة وهي نصيحو مني وبكرا بتقولو يزن حكلى .........................................................
وسلامي للجميع ويلي حابب يناقشي بالموضوع يبعت رد وانا مستعد ناقشوا
وانا في اتظار رودودكم الكريمة............................................


                              يزن اليعقوب -سوري مغترب في السعودية-